زوجة حبيب العادلي: «مكنش هربان.. ومحبش يتقل على ولاده في الداخلية» (فيديو)

قالت إلهام شرشر، زوجة حبيب العادلي، وزير الداخلية الأسبق، إن القانون يقول إن حبيب العادلي «مش هربان، وهو كان في إقامة جبرية في البيت، ولحظة صدور الحكم الإقامة الجبرية بتسقط، إذا هو ليس هاربًا».

وأضافت «شرشر»، في مداخلة هاتفية مع الإعلامي عمرو أديب في برنامج «كل يوم»، المذاع عبر قناة «أون إي»، أن زوجها لم ينفذ الحكم «وكان رايح يوم الجلسة الصبح وهذا ما أكده القانون، وصحته كانت تعبانة شوية وبيعيش بشريانين بس في قلبه»، فيما رد أديب «يعني هو كان بيتعالج في 230 يوم»، فردت «أيوه ودا حقه وصحته لا تسمح بسجن، والداخلية دا بيته التاني، ودول ولاده وهو محبش يثقل عليهم أكتر من كده».

فيما قال «أديب»، أن «ده مش من حقه، يا مدام في القانون مفيش حد زي الناس ومفيش حد فوق الناس، أمال الداخلية كانت بتدور عليه ليه؟».