كطريقة لحل مشكلة العنوسة فى العديد من البلدان، فكرت الصين فى طرح منتج جديد سيغزو الأسواق خلال الفترة المقبلة، وهو «الحضن الصينى» كما أطلق عليه شباب موقع «فيس بوك»، وهو عبارة عن وسادة على شكل ذراع رجل لتحتضنها الفتاة عند النوم. بعد نشر صورة «الحضن الصينى» على شبكة الإنترنت، انتشرت العديد من التعليقات الساخرة، لكن الجميع اتفق على ضرورة التصدى لمثل هذه الأفكار وطلبوا منعها من دخول مصر».
أخبار متعلقة
وقالت ندى محمد: «يعنى العروسة الصينى وكمان الحضن، المفروض يمنعوه من دخول مصر، وعلقت زهرة باستياء قائلة: «حتى الحضن مش سايبينه يا جماعة كفاية اختراعات خليتوا الناس مش حاسة ببعض خلاص فاضل إية تانى، متسائلة «الحضن دة بقى هيشيل عنى الهموم؟، واتفق مصطفى أحمد مع التعليق السابق قائلا: «الفكرة مش فكرة حضن وخلاص الفكرة كلها فى الإحساس وده لا يعوض الإحساس».
فى منطقة حارة اليهود، علق «أبومصطفى» أحد المستوردين قائلا: «الصين بتستغل أى حاجة عشان تعمل منها منتج بس مش معنى كده إننا نستورد أى حاجة، يعنى منتج زى «الحضن الصينى» ده هو لسه مانزلش مصر بس لا يمكن نستورده وبيوافقنى فى ده جميع التجار، لأن طبيعة المنتجات المستوردة بدأت تستغل وتغزو عقول الشباب فى مصر متسائلا: «إيه الحكمة يعنى من مخدة على شكل حضن راجل؟».
