طالب أحد المواطنين من الرئيس عبدالفتاح السيسي، السبت، برفع غرامات الأرز المخالفة من على الفلاحين، ورد السيسي، قائلا: «الفلاحين دول أهلي وناسي، والأوطان لا تبنى بالخواطر وإنما بالالتزام والانضباط».
أخبار متعلقة
وأضاف السيسي، في كلمته بافتتاح عددا من المشروعات القومية بكفر الشيخ: «ياجماعة يا مصريين من فضلكوا القواعد اتعملت عشانكوا أنتوا مش عشاني.. واحنا مش ضد زراعة الأرز، احنا بنظم زراعته، لازم تسمعوا كلامنا اللي حصل فينا خلال السنوات بسبب التجاوز، لما نقول الأحوزة الزراعية للأرز تبقى كذا أرجو محدش يتجاوزها، المياه هتيبقى أكتر من كدا عشان الناس اللي تجاوزت بتكلموا عن سد النهضة مياه مصر موضوع مفيهوش كلام، بطمنكوا محدش يقدر يمس مياه مصر».
وأكد أنه لا أحد يستطيع المساس بحصة مصر المائية في نهر النيل، قائلا: «إنه تم الحديث مع الجانبين الإثيوبي والسوداني بشأن 3 عناصر على رأسها عدم المساس بحصة مصر المائية، متفهمين التنمية ودا أمر مهم وأمام التنمية يوجد مياه تساوي حياة أو موت لشعب، دا مياه ربنا اللي خلقها».
وأشار إلى أن «المساس بالمياه خطر، واللي زرع أرز أكثر من المتاح دا تجاوز في حق مياه مصر وشعب مصر، الشعب المصري واعي وعارف إيه المضر والمفيد، كنت أتمنى تلبية المطلب مقدرش ألبي مطلب أنا لا امتلكه التجاوز في حقكوا انتوا، معايا رئيس البرلمان والحكومة شوفوا هيعملوا ايه، أنا بتكلم بجد والله».
