هاجم الإعلامي تامر أمين، الفنانة شيرين عبدالوهاب، قائلًا: «كنا دائمًا نفخر بكِ، وأنا من زمان من ساعة أغنية (آه يا ليل)، وقلت ربنا إدانا صوت لا يختلف عليه أحد، ولكن للأسف شيرين مش قادرة تحافظ على موهبتها».
أخبار متعلقة
وأضاف «أمين»، في برنامج «الحياة اليوم» على قناة «الحياة»، الثلاثاء: «فارق كبير بين الصوت الجميل، وتحمل مسؤولية الموهبة والنجومية، شيرين كالمعتاد متبقاش عارفة تقول إيه في حفلاتها، ودايما كلامها يتحول لهذيان، وأغنية (ماشربتش من نيلها) كلنا كنا بنعيط لما سمعناها منها».
وتابع: «نكتة شيرين مش محلها وفيها إسقاط سياسي وإساءة لمصر، ده دول العالم بتحسدنا على النيل، لما تبقى نجم لازم تبقى عارف إزاي تصريحاتك وتتضبط لسانك، وتحافظ عل صورة بلدك وحضرتك»، موضحًا: «شيرين كلها سقطات، ولا يمكن غفران إساءاتها، فمرة غلطت في عمرو دياب، ومرة لتونس، ومرة مصر، ومعرفش هي مش بتكون في وعيها ليه لما بتتطلع المسرح».
