نبيل الحلفاوي - صورة أرشيفية
وجه الفنان نبيل الحلفاوي، رسالة إلى مشجعي ومحبي اللاعب المصري محمد صلاح، المحترف في صفوف نادي ليفربول الإنجليزي، حول الاستفتاءات التي يكون نجم المنتخب الوطني أحد عناصرها، مبديًا تخوفه من أن تفقد الألقاب التي يحصل عليها اللاعب مصداقيتها.
أخبار متعلقة
وقال الحلفاوي عبر موقع التدوين «تويتر»: «لازم نغير فكرة إن صلاح بيكسب كل تصويت عشان كثافة تصويت المصريين. وإلا الألقاب دي هتفقد مصداقيتها. فوتوا ماتش مسجلش فيه والشهر اللي ماتميزش فيه»، فرد عليه أحد المتابعين «أستاذ نبيل أنا عندي مشكلة، أنا مش بقدر افهم كلامك بجد قريت التويت خمس مرات ومش فاهم حضرتك اعمل ايه طيب يعني صلاح دا حلو ولا وحش دلوقتي ؟؟».
وهنا تدخل الفرعون المصري محمد صلاح بالرد على «الحلفاوي»، قائلًا «حبيبي يا قبطان. بس خف على الناس شوية علشان ساعات بتدي جامد».
وكان صلاح متقدمًا بفارق كبير عن جميع اللاعبين بما فيهم ميسي ورونالدو في تصويت «يويفا» كأفضل لاعب في الجولة الماضية من دوري الأبطال.
لازم نغيرفكرة إن صلاح بيكسب كل تصويت عشان كثافة تصويت المصريين.وإلا الألقاب دي هتفقد مصداقيتها. فوتوا ماتش مسجلش فيه والشهر اللي ماتميزش فيه.
— نبيل الحلفاوي (@nabilelhalfawy) ١٩ أكتوبر، ٢٠١٧
حبيبي يا قبطان بس خف على الناس شوية علشان ساعات بتدي جامد😀
— Mohamed Salah (@22mosalah) ١٩ أكتوبر، ٢٠١٧
استاذ نبيل انا عندي مشكلة ،،،انا مش بقدر افهم كلامك
بجد قريت التويت خمس مرات ومش فاهم حضرتك اعمل ايه طيب يعني صلاح دا حلو ولا وحش دلوقتي ؟؟— osama fikry (@osama__fikry) ١٩ أكتوبر، ٢٠١٧
