قال محمد زيدان، لاعب المنتخب الوطني السابق، إن الفرصة متاحة للفراعنة من أجل تحقيق حلم التأهل للمونديال عبر بوابة الكونغو، اليوم الأحد.
أخبار متعلقة
وأضاف «زيدان»، خلال تواجده ضيفًا على قناة «أون سبورت»: «الفرصة الآن متاحة لنا ورائعة، النتيجة بتاعة ماتش أوغندا وغانا كانت في صالحنا، والماتش في أرضنا، الأجواء كلها في مصلحة مصر».
وتابع: «اللاعب لما يبقى عنده الإحساس إنه هايصعد كأس عالم من بلده غير لما يروح يلعب ماتش في غانا، ربنا حاسس بينا وأد إيه محتاجين الحلم ده، فهيألنا كل الفرص إن ماتش الكونغو يكون احتفالا بالتأهل للمونديال».
وواصل: «إحنا فرحنا لما فوزنا على الجزائر هنا في تصفيات مونديال 2010، وحسينا إننا اتأهلنا، لكن خدنا (قلم) بدري من الجزائر وقفلوا الماتش في السودان وفازوا، لكن النهاردة إحنا بنلعب ماتش على أرضنا مع فريق عنده نقطة واحدة، ونازلين نموت نفسنا».
