«ميدو» عن مباراة الترجي: كمشجع مش عاوز الأهلي يكسب (فيديو)

قال أحمد حسام «ميدو»، المدير الفني لفريق وادي دجلة، إن الأهلي أمامه عقبة كبيرة وهو فريق الترجي التونسي، لو تخطاها سيكون بطلًا لدوري أبطال أفريقيا بشكل كبير جدًا.

وعن تشجيع الأهلي في مثل هذه المباريات، قال «ميدو»، في مداخلة هاتفية ببرنامج استاد الهدف، على إذاعة الشباب والرياضة، اليوم الخميس: «عمري ما كنت عاوز الأهلي يكسب في حياتي. في فرق كبير جدًا بين ميدو المشجع والإنسان، ساعات كتيرة جدًا بفرح إن الأهلي كسب علشان ببقى فرحان لزمايلي حسام غالي وشريف إكرامي وأحمد فتحي ووائل جمعة، لما بيبقى في بينك وبين حد عيش وملح واتربيت معاهم بيبقى الموضوع مختلف، يعني أنا وحسام غالي متربيين مع بعض، فلما هو يفرح وأنا مفرحش ماينفعش، ولو سألت لاعيبة الأهلي هاتعرف ان بعد الماتشات دي لما بيكسبوا، بكون أول واحد بيعتلهم رسائل تهنئة».

وتابع: «أتمنى إن الأهلي يعبر الترجي ودي محطة لو تخاطاها هيكون بطل أفريقيا لأبطال الدوري».