بالفيديو.. أول تعليق لمرتضى منصور على أزمة لقاء الأهلي وطلائع الجيش

علق مرتضى منصور، رئيس نادي الزمالك، على الأزمة التي اندلعت مؤخرًا بين الأهلي ولجنة الحكام، بعد الأخطاء التحكيمية التي شهدتها مباراة الفريق الأحمر مع طلائع الجيش، وانتهت بالتعادل «1-1».

وقال «منصور»، في تصريحات إذاعية، الثلاثاء، «البداية التحيكيمة غلط، وأنا قبل ماتش الأهلي قولت يا جماعة من فضلكم ماتجيبوش ناس صغيرة تدير ماتشات الأهلي والزمالك، وأي غلطة من الصغير مش مقبولة، زي أي غلطة من المصري بتبقى مش مقبولة لكن من الأجنبي بتبقى مقبولة».

وتابع: «في نقطة التحيكم لازم نتفق، وبقول الكلام ده لحسام البدري وسيد عبدالحفيظ، يا إما أخطاء الحكام واردة في الماتشات، أو يا إما لازم نحاسب الحكم. لما نبدأ الموسم وحسام ليه ضربتين جزاء أو أكتر ويشتكي، أنا الماتش الجاي لو ليا فاول هاعمل مشكلة. يبقى لازم في البداية يكون في بروتوكول، مبدأ أخطاء الحكام واردة وجزء من اللعبة. يبقى كلنا كده».

من ناحية أخرى، أشاد مرتضى منصور، بالمدير الفني نيبوشا، وذلك على الرغم من تعادل الفريق أمام الإنتاج الحربي، مشيرًا إلى أنه لا يمكن أن يحاسب المدير الفني في أول مباراة له مع الفريق.