أجاب الرئيس عبدالفتاح السيسي عن السؤال الخاص بترشحه لفترة رئاسية جديدة، مساء الاثنين، وذلك في جلسة «اسأل الرئيس» خلال حضوره مؤتمر الشباب في الإسكندرية.
أخبار متعلقة
ورد السيسي: «أنا مش هجاوب السؤال كده بصراحة، وهقول للمصريين إوعوا في انتخابات ما تنزلوش، وده يوم بيتحدد به مصير مصر، فأنتم ما تستكتروش على مصر في اليوم ده حتى لو هتقف 10 ساعات».
وتابع: «لازم العالم كله يشوف المصريين إن إرادتنا بيدينا، وخلي بالكم إن الناس بتشوف وتحسب كويس، وهما بيقولوا إزاي المصريين متحملين الإجراءات دي، يبقى معناه فيه رصد أو تحليل».
ودعا السيسي المصريين إلى النزول للمشاركة في الانتخابات الرئاسية «عشان تقولوا إحنا اللي جبنا ده، وعشان بعد ما تجيبوه ما تقولوش ده إحنا ما جبنهوش كلنا ورحنا الساحل»، ثم دوت القاعة بالضحك على كلمة «الساحل».
واستعان السيسي بالآية القرآنية: « قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ»، قائلًا في ختام حديثه: «ربنا يولي من يصلح، واللي كاتبه ربنا هيكون».
