أعرب عماد متعب، مهاجم الفريق الأول بالنادي الأهلي، عن استيائه من عدم الاعتماد عليه خلال مباراة الفيصلي، التي انتهت بخسارة فريقه بهدف دون رد، أمس السبت، مؤكدًا في نفس الوقت أنه لم يرفض التسخين والنزول بديًلا.
أخبار متعلقة
وقال «متعب»، في مداخلة هاتفية مع الإعلامي أحمد شوبير، عقب المباراة: «في ناس عايزة تخليني أعمل مشكلة بأي شكل من الأشكال، وتحطني سبب في أي أزمة، لكن مفيش حد هايقدر يوقع ما بيني وبين جماهير الأهلي نهائي».
وأضاف: «أنا مش بعمل مشاكل وملتزم جدًا. النهارده المباراة مشيت بشكل عادي جدًا، بنقوم نسخن في الدقيقة 50، وفوجئت في الدقيقة 60، الجهاز الفني بيستدعي وليد أزارو إنه ينزل، دي بالنسبة لي أكبر صدمة، مش تقليل من وليد خالص، الصدمة بالنسبة لي إن عماد لو مش هايبدأ فيكون أول تغيير».
وتابع: «لما لاقيت وليد نزل روحت قاعد على الدكة ماتكلمتش مع حد خالص، وقولت لو طلبوا مني أن أقوم أسخن هاقوم أسخن لكن مش هافضل واقف ورا الجول، وفي الآخر أنزل ألعب 5 دقايق، وفوجئت في الدقيقة 70 على ما أعتقد لاقيت عم حارث جاي يقولي كابتن سيد معوض بيقولك قوم سخن، قولتله أنا مسخن، حاجة ماشوفتهاش قبل كده، ماعتقدش إن عماد متعب وهو قاعد على الدكة، عم حارث هو اللي يجي يقوله قوم سخن خالص، المفروض سيد معوض أو أحمد أيوب أو أنيس، إللي بيحصل حاجة صعبة جدًا».
