أثارت تصريحات الدكتور سليم العوا تعليقات مواقع التواصل الاجتماعى أثناء لقائه مع الإعلامى يسرى فودة فى برنامج آخر كلام حيث قال: «مرشحو الرئاسة السبعة سيعلنون جدولهم الزمنى المقترح لنقل السلطة غدا».
وانقسمت التعليقات بين مؤيدة ومعارضة، وقال خالد توفيق، مؤيدا للتصريحات: «هو ده الشغل»، وعمرو جبريل: «خطوة إيجابية»، وسيف الدين حليم: «هو ده أحسن كلام سمعته من فترة»، وفاطمة أسامة: «أحلى حاجة إنهم متفقين وأحلى حاجه إنهم منفضين للفلول ما عدا فل واحد بس يلا مش مشكلة».
بينما انتقد البعض تصريحات العوا، منهم نادية السعدنى التى قالت: «مين دا هو كل واحد يطلع ويقول أى كلام، طيب أنا حترشح للرئاسة»، وقال ماجد محمد: «هيروحوا يخبطوا عالمجلس ويقلولوا له إدينا السلطة»، شادى: «الأحزاب ومرشحو الرئاسة هياخدوا أكبر بمبة وهيلبسونا فى الحيط عشان مش بيفكروا غير فى مصلحتهم وبس، خسارة فيكوا اسم ثورجية». وقال تامر وصفى: «هما بقوا بيتكلموا ولا كأنهم بقوا رؤساء الجمهورية يا حلاوة وبعدين ولا حد فيهم قدم برنامج مكتوب يا ترى ليه ولا لو قدم برنامج مكتوب هيتحاسب عليه.. ارحموا مصر، كلام كلام والشارع فى وادى تانى والجهلاء وغير المتعلمين يسيطر عليهم أناس آخرون».
