إيناسيو خلال مباراة الزمالك وكابس يونايتد الزيمبابوي في دور المجموعات بدوري أبطال أفريقيا باستاد برج العرب، 12 مايو 2017. - صورة أرشيفية
تصوير :
طارق الفرماوي
هاجم مرتضى منصور، رئيس نادي الزمالك، المدرب البرتغالي أوجوستو إيناسيو، بسبب تراجع أداء ونتائج الفريق، وآخرها الهزيمة الثقيلة أمام كابس
يونايتد بثلاثة أهداف لهدف.
أخبار متعلقة
وقال «منصور»، في تصريحات لبرنامج مع شوبير على قناة صدى البلد، مساء الأحد:«أنا حزين زي الجمهور، بس حزني أنا أكتر، أنا حذرت إيناسيو من ده
كله، مصر كلها بقالها 7 ماتشات بتهاجم المدرب، والوحيد أنا لما بتكلم يقولوا بيتدخل».
وأضاف: «دلوقتي مصر كلها بتبعتلي رسايل بتقولي مشيه، عارف لو أنا اللي قولت هامشيه، الناس كلها هاتطلع تقول أنت ليه بتغيَره وشوف ازاي كل يوم
بيغير مدرب».
وتابع: «العدل أساس الملك مع احترامي لإيناسيو، اتنبه عليه 4 مرات، لا اللي بيلعب بيحبه ولا اللي مابيلعبش بيحبهز لما تبني خطتك كلها على لاعب
مهما تكون إمكانياته وحبي لهذا اللاعب وتقديري له، واللي طلع وكيلك هو وكيل اللاعب، يبقى ده ماينفعش».
وواصل رئيس النادي: «مصطفى فتحي بيلعب تحت رأس الحربة وأيمن حفني برة، لا بقى، الكلام ده قولته مرة واتنين وتلاتة للجهاز الفني وحذرته وقولت مش عاوز اتدخل».
وأكد: «اللاعيبة واخده كل مستحقاتها، قال عاوز 4 مساعدين ليا من بره جبتهم، مدرب اللياقة كان كويس قال مش عاوزه مشيناه، أول ما جه قولتله
عندك محمد صلاح وسامي الشيشيني وأشرف قاسم، كتر خد واحد منهم، يكون مساعد ليك علشان يقولك الخريطة ماشية ازاي، واللاعب ده إمكانياته إيه واللاعب
ده بيتدلع، ورفض».
وقال «منصور»: «هاني زادة، رئيس البعثة، هايقعد مع إيناسيو علشان يفهم ليه بيعاند، مش حابب باسم خده معاك جايز تحتاجه، متخانق مع دونجا يبقى
برة، أي سياسة فيها بحب وأكره مش هاتنفع».
