مرتضى منصور يلتقي جماهير الزمالك بمقر النادي بعد دخولهم للحصول على تذاكر مباراة الزمالك وصن داونز في نهائي دوري أبطال أفريقيا، 20 أكتوبر 2016. - صورة أرشيفية
تصوير :
أيمن عارف
تراجع مرتضى منصور، رئيس نادي الزمالك، عن قراره بعدم الترشح لرئاسة النادي خلال الانتخابات المقبلة، والذي أعلن عنه على هامش الجمعية العمومية للنادي، والتي عقدت مؤخرًا.
وقال «منصور»، خلال فيديو نشره الموقع الرسمي للنادي، اليوم الثلاثاء: «عايز أشوف راجل ينزل الانتخابات، ولو مفيش فرق بيني وبينه 20 ألف صوت أنا همشي».
أخبار متعلقة
وتابع: «أنا متصور إني عملت شىء محترم اسمه نادي الزمالك في الرياضة وفي الإنشاءات».
وهاجم مرتضى منصور، كامل زاهر، أمين الصندوق في النادي الأهلي، عقب تصريحاته التي قال خلالها إن مشجعي الأهلي في مصر تخطوا الـ70 مليونا.
وقال «منصور»: «انت راجل كبير. جمهور الأهلي 70 مليون وعندنا في مصر 20 مليون طفل، يعني الزمالك من غير جمهور».
وتابع: «مش عايز أقول انت تستاهل اللي حصل فيك في جنوب أفريقيا من العيال اللي شتموك. عيب، نادي الزمالك جمهوره مايقلش عن جمهور الأهلي، ومش عاوزين التحرش الرياضي تاني، خلينا محترمين بعض، بلاش الألفاظ اللي بتثير الجماهير، أوعوا تنسوا في يوم من الأيام لم اتحليتو بحكم محكمة، الوحيد اللي دافع عنكم هو مرتضى منصور».
