وعد الرئيس عبدالفتاح السيسي بتحقيق التقدم لمصر في كل المجالات، قائلا: «عيب علينا لو مخلينهاش قدام، بالجد والإخلاص والشرف».
أخبار متعلقة
وقال السيسي أثناء حضوره الندوة التثقيفية الـ 25 للقوات المسلحة، الخميس: «بقول لكل المصريين وأهالي الشهداء والموجودين في بيوتهم وكل المصريين اللي بيسمعوا الكلمة دي، شوفوا حجم الإساءة التي تتم باسم الدين في العالم كله وأنتوا تعرفوا أن ولادكم أشرف ولاد، وأنهم مش بيدافعوا عن مصر بس، هما بيقفوا وبيتقدموا وسقطوا أولا عشان يحافظوا عن الـ 90 مليون اللي لو راحوا هيروح معاهم حتى الدين، لما يبقى الواحد مشرد ومرمي في معسكر هيفكر في الدين بقى!».
وأضاف الرئيس السيسي: «بقول للناس كل الناس اللي بتشوفوه واللي بنتصدى له في مصر بوجه واحد من فضلكم توقفوا أمامها يا مصريين، إحنا في مصر بنتصدي للإرهاب بوجه حقيقي واحد مش بوجهين، أبناء مصر اللي بيسقطوا بيسقطوا عشان راية الحق، النهاردة كتير من الناس محتارة بتقول ياترى مين على حق دول بيقولوا عشان نرفع راية الإسلام والدين وبيخربوا ويدمروا، ودول بيتصدوا ليهم».
وتابع: «إحنا تصدينا في مصر حماية لوطن وشعب لا يروع ولا يقتل ولا يُدمر ولا يضيع وعشان نقول للناس رايتك يا رب، نرفع راية الحق الحقيقية البناء والتعمير والخلق والرحمة مش اللي بنشوفه».
وأدان الرئيس السيسي العمليات الإرهابية التي شهدتها بريطانيا، الأربعاء، وقال: «نحن كحماة الحق الحقيقيين ندين كل عمل إرهابي خسيس وجبان ضد بريطانيا وأي حد على وجه الأرض».
