الحاجة سبيلة للرئيس: «كل ما أحوش حاجة هجيبهالك».. والسيسي: «منصورين بدعواتكم» (فيديو)

عرضت الفضائية «المصرية الأولى» مقطع فيديو، الأربعاء، للحظة استقبال الرئيس عبدالفتاح السيسي، للحاجة سبيلة على أحمد عجيزة، المتبرعة بـ200 ألف جنيه لصندوق تحيا مصر.

ودار حديث ودي بين الرئيس والحاجة سبيلة، قالت فيه: «كل ما أحوش حاجة هجيلك في نفس الميعاد.. وكان نفسي أشوفك يا سعادة الرئيس.. وكنت عايزة أكسر التليفزيون علشان أشوفك.. أنا من مركز أجا»، مما استدعى الرئيس للضحك، قائلًا: «ربنا يحفظك يا حاجة».

وأضاف: «أنت عملت كل حاجة حلوة في مصر أنت وجيشك وشرطتك وتسلم الأيادي، وربنا يبارك لينا فيك وينصرك ويسترك يارب، إحنا كان زمانا ضيعنا يا غالي، ومش عايزة حاجة، أنت ابني وينصرك على كل الدول، وأنا جايبة الفلوس دي لمصر وصندوق تحيا مصر».

وكررت عبارتها: «اللي هحوشه هجيبهولك»، فيما قال السيسي: «بدعواتك ودعوات الطيبين إحنا عايشين، وبأشكرك على الفلوس وده كتير وكتر خيرك، واللي عملتيه ده كتير، وإحنا منصورين دايما بدعواتكم».

والتقى الرئيس عبدالفتاح السيسي، اليوم الأربعاء، بمقر رئاسة الجمهورية في مصر الجديدة، الحاجة «سبيلة على أحمد عجيزة»، إحدى الحاضرات في الاحتفال بيوم المرأة المصرية عن محافظة الدقهلية، والتي طلبت التبرع بكل ثروتها المقدرة بـ٢٠٠ ألف جنيه وكمية من المشغولات الذهبية لصالح صندوق تحيا مصر.

تفاصيل لقاء السيسى مع الحاجة سبيلة المتبرعة بـ... من طرف mahmed-demerdash