قال مرتضى منصور، رئيس نادي الزمالك، إن هناك أخطاء فنية يراها الجميع تؤثر على الفريق، مؤكدًا أن حديثه عنه مجرد رؤية شخصية وليست تدخلا فنيا في اختصاصات الجهاز الفني.
أخبار متعلقة
وأضاف «منصور»، في حواره ببرنامج «ملعب الشاطر»، على قناة المحور، أمس السبت: «رفعت مظلوم وباولو مظلوم، أنا مش بشتري لاعيبة أخزنها، أنا شايف إن في لاعب خد فرصة واتنين وتلاتة ومش قادر، يبقى أخليه احتياطي».
وتابع: «أنا كنادي الزمالك لازم أعرف هدفي إيه، لو هدفي آخد الدوري، يبقى تلعب باتنين راس حربة، باسم بيتظلم، لما بتلعب برأس حربة واحد كل الفرق بتقفل عليك، واللاعب بيبقى تائه».
وواصل: «ستانلي شايفه بقاله 7 ماتشات مش فايق، يبقى نقول له شكرًا واقعد، هو ولد مؤدب لكن فنيًا في حاجة مش مظبوطة عنده، مش كل شوية يقع».
وأوضح: «أنا سألته وقالي معنديش مشكلة، يبقى المشكلة عند الجهاز، وأحمد رفعت يلعب ربع ساعة، رفعت من أحرف اللاعيبة في مصر، باولو هداف مصر موسمين وجبته لعب ماتشين جاب جولين، إيه المشكلة لما يبقى هو وباسم مع بعض وستانلي يريح شوية».
