قال مرتضى منصور، رئيس نادي الزمالك، إنه على الرغم من أن محمد حلمي أحد أسباب ضياع الدوري من الفريق الأبيض الموسم الماضي، إلا أن مجلس الإدارة يدعمه وبقوة خلال فترة ولايته الحالية.
أخبار متعلقة
وأوضح «منصور»، خلال حواره ببرنامج «ملعب الشاطر» على قناة المحور، أمس السبت: «محمد حلمي ليه مرحلتين، المرحلة الأولى كان ماشي كويس جدًا، لكن الدوري ضاع لأن حلمي عاند مجلس الإدارة».
وتابع: «الأهلي كان فارق بخمس نقاط، واتعادل مع الاتحاد، وكان لازم نكسب المصري، ورفض مشاركة محمد كوفي وأيمن حفني، أحرف اتنين عندي، وده اتسبب في تعادلنا، وضياع الدوري».
وأضاف: «قولناله شكرا يا محمد انت راجل محترم ومع السلامة، لما رجع تاني حلمي، هو من المدربين الممتازين، لكن دماغه بتنشف ساعات، لكن حاسس إنه مش مبسوط، مش هو حلمي بتاع المرحلة الأولى، لكن أنا بدعمه وبدعم الجهاز بالكامل وبقوة».
