أحمد عز وزينة - صورة أرشيفية
نشرت الفنانة زينة على حسابها على موقع «إنستجرام»، تعليقا على حكم براءة أحمد عز من الحبس 3 سنوات بتهمة السب والقذف، قائلة: «معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جداً… أولًا مبروك براءتك من قضية السب والقذف في حقي ولو إن مبروك من تهمة دي مش حاجة تشرف أوي يعني، إنت مخدتش جائزة نوبل، وكده كده ماكنتش ها سيبك تتسجن عشان ولادك ما يبقاش أبوهم رد سجون».
أخبار متعلقة
وأضافت: «ارجع بقي من لندن اللي إنت مستخبى فيها يا دكر، متخافش مش دي صورتك هناك، أما بقى لو جبت سيرة ولادك وقضية النسب دي تاني هيكون ليا تصرف تاني معاك وبالقانون، لأن القضية دي اتقفلت لآخر يوم في عمرك، بطّل كدب وبطّل تضحك على الناس لأن الناس مش هبلة، وخلاص اتلهي في شغلك ومعجباتك اللي تعرفهم معرفة شخصية من قلتهم».
وكان عز حصل بالأمس على حكم بالبراءة من سب وقذف زينة، وهي القضية التي حكم عليه فيها من قبل بثلاث سنوات سجنًا، وتعد براءة عز أول انتصار قضائي له في القضايا الكثيرة بينه وبين زينة بسبب إثبات زواجهما ونسب طفليه.
