قال حسن شحاتة، المدير الفني الأسبق لمنتخب مصر، إن بدايته مع الزمالك كانت صعبة، لكنه أصر على الالتحاق بالنادي.
أخبار متعلقة
وكشف «شحاتة»، خلال تواجده ضيفًا ببرنامج فحص شامل«على قناة الحياة، اليوم الأربعاء، «طُردت من نادي الزمالك 5 مرات، كنت رايح علشان يختبروني، وكل مرة معرفش اختبر».
وتابع: «مصطفى مكاوي، ده عامل نظافة، كان مستغرب كل ما يشوفني آجي النادي علشان اختبر يقولي انت تاني، وروحت بتوصية من اللواء حسين لبيب، وفي الوقت ده الحرب قامت والكرة كانت واقفة، وكانوا بيلعبوا مباريات ودية بين فرق النادي، علشان يقدروا يجمعوا فلوس».
وأضاف: «كنت فلاح جاي من كفر الدوار ومعايا شنطتي وقاعد في المدرجات، اللواء حسين لبيب كان قاعد في المقصورة في مرة، فقالي انت فلان الفلاني، قولتله أه، فقال للكابتن حنفي بسطان خد اللاعب ده وشوفه، دعاء الوالدين كان في صفي، واختاروني في فرقة ألعب كان فيها حمادة إمام ونبيل نصير ضد أحمد مصطفى وأحمد رفعت ومجموعة من جيل الستينات الذي لن يتكرر، قعدت نص ساعة ولا لمست الكرة، لغاية من قطعت كرة وشوطها الوحارس صدها، بعد كده سجلت 3 أهداف وكسبنا 4، نزلولي أرض الملعب علشان أمضي على استمارة اللعب في النادي».
