قال الرئيس عبدالفتاح السيسي، «رئيس الوزراء جالي وقالي عايزين نرفع سعر المحروقات، وقولتله اعملها على طول، وقالي طيب خليها الساعة 12 يوم الخميس، ولكن للأسف لقيت قبلها بأربع ساعات محطات الوقود مزدحمة، واتصلت به وقولتله يا معالي رئيس الوزراء، مش كنا خلينا القرار مرة واحدة، لأن الأمر كده ممكن يعمل فساد، والرقابة ضعيفة هناك».
أخبار متعلقة
وذكر السيسي، في الجلسة العامة الثانية لمؤتمر الحوار الشهري الأول للشباب عن الإصلاحات الاقتصادية، مساء السبت، أن «الدول المتقدمة حيدت البشر، عن طريق وضع نظم إلكترونية قادرة على مكافحة الفساد، وأنا عايش مصر كلها بمشاكلها على مدار الـ40 سنة الماضية».
وتابع أن «الناس خرجت في 25 يناير، عشان لقت الدولة مبقتش قادرة على النهوض، وعشان كده خرجتم وكسبتم، ومحدش يقدر دلوقتي يقعد يوم غصب عن أي حد لأنه ملتزم بالدستور والقانون»، مضيفًا: «كل خوفي هو على المصريين، واللي حصل في مصر مش طبيعي وتداعياته ليست طبيعية أيضًا، وكل اللي يهمني أني أحضنكم يا مصريين كده».
وتابع: «البعض راهن على خراب مصر في نوفمبر الماضي، وكان الأمر يعد له منذ فترة عن طريق تخريب الاقتصاد، والتجارة في الدولار بالسوق السوداء».
وشدد على أن «أكثر حاجة تقلقني هي تماسك الشعب المصري، وأنا لا بخاف من بره أو جوه».
وأكد أن «البعض قالي خلي القرارات الاقتصادية الصعبة دي بعد 11 نوفمبر، ولكني أقسمت وراهنت على الشعب المصري العظيم».
