قال الرئيس عبدالفتاح السيسي، إنه يعلم جيدا أن هناك زيادة في الأسعار، مشيرا في الوقت ذاته أن الحكومة تأخرت في الإصلاح الاقتصادي، مضيفا: «كان قدامنا نعبر ترعة صغيرة صعبة وهننجح، أو نستنى ونعبر بحر».
أخبار متعلقة
وأضاف الرئيس في كلمة له بمناسبة الاحتفال بالمولد النبوي الشريف، الخميس، «اخترنا دلوقتي، والأمانة تقتضي أن الخيار قدامي نبدأ دلوقتي واللا أجلها لغيري، ولو أجلتها لغيري ولا قدر الله وراحت، طيب ما أنا كنت عارف أنها لو اتسابت كده هتضيع، والله مكنش فيه خيار تاني غير اللي بنعمله دلوقتي».
وأوضح: «بقالنا 6 سنين ودول ثمنهم غال أوي، من أول 25 يناير تكلفتهم كتيرة علينا وبندفعها دلوقتي وخلوني أقولكم باختصار شديد مرتبات القطاع الحكومي زادت من 80 مليار لـ 230 مليار جنيه، يعني 150 مليار زيادة، هل جات موارد للدولة تغطي المبلغ ده، بالطبع لا، إحنا اقترضنا في 6 سنوات 900 مليار جنيه».
وواصل السيسي: «كلمت الحكومة وقولتهم لازم نخفف الأعباء دي عن الفئات الأقل دخلا عشان يتحملوا الظروف الصعبة دي، وعشان تعرفوا أن الحكومة حريصة أن الأمور متخرجش عن السيطرة، الدولار مش هيستمر كتير، سعر الدولار الآن مش سعره الحقيقي، عقبال ما يحصل التوازن ده هناخد كام شهر»، بحسب قوله.
