«#شجع_مصر» يتصدر «تويتر» قبل لقاء غانا: «رجالتنا تقدر»

تصدر هاشتاج «#شجع_مصر» موقع «تويتر»، صباح الأحد، تزامنَا مع اللقاء المرتقب بين منتخب مصر وغانا، مساء اليوم، ضمن منافسات الجولة الثانية للتصفيات الأفريقية المؤهلة لكأس العالم بروسيا 2018.

وتنوعت ردود فعل مستخدمي «تويتر»، فكتب «MohameD Atef»: «أيوة إحنا أقصى طموحنا أن إحنا نكسب غانا مش إن إحنا نوصل لكأس العالم.. بعد ماكنت أفريقيا كلها تحت رجلينا»، مضيفًا: «الناس فاكرة ان وصول كاس العالم دا مستحيل وحلم.. هنكسب وهنصعد بس يبقي في روح للعيبة»، بينما علق حساب «أبوعزة»: «سيكون من الصعب فوز مصر على غانا اليوم، لكن من حقنا نتأمل خير».

وكتب «TaHa MarWan» في حسابه: «كلنا هنشجع مصر لحد ما نوصل للحلم ونروح كأس العالم روسيا 2018»، بينما قال «Mahmoud Alfeky»: «إن شاء الله هنكسب. بس ده مش آخر ماتش عشان نصعد».

وعلق حساب «الدنيا حلوة»: «منتخب محمد صلاح مش عاوزينه انهارده، احنا عايزين منتخب مصر الجماعي وليس المنتخب الفردي، قوتنا في تجمعنا وليس في وحدتنا، قوة مصر =التجمع».

وقال حساب «Alaa Mohamed»: «يارب النصر لمصر»، متوقعا «فوز مصر 3 -صفر.. هدفين لمحمد صلاح وهدف لباسم مرسي».

وأضاف حساب «Mostafa noaman»: «يارب النصر للمنتخب.. إن شاء الله صلاح جونين»، وقالت حساب «آلاء مصطفي»: «رجالتنا تقدر».