بالفيديو.. مرتضى يوجه رسالة للسيسي و«الداخلية» بسبب الألتراس

هاجم مرتضى منصور، رئيس نادي الزمالك، مشجعي ألتراس أهلاوي، عقب قيامهم بالاعتداء على لاعبي فريق اليد بالزمالك، أمس الأحد، في بوركينا فاسو.
وقال «منصور»، خلال مداخلة هاتفية ببرنامج «الكابتن» على قناة العاصمة: «لا حوار مع مجرم معتوه، العلاقة بين الأهلي والزمالك رائعة، تمنينا أن الأهلي يكسب الترجي علشان يقابل الزمالك في السوبر الأفريقي، شوف مشاعرنا عاملة إزاي».
وتابع: «دي عصابة إجرامية محظورة بحكم محكمة، اللي حصل ده مالوش علاقة بالأهلي وجماهيره ولاعبيه، دي عيال مجرمين سواء من هنا أو من هنا».
وواصل: «يا رئيس الجمهورية يا محترم كلنا بنحبك، لكن مفيش حوار مع مجرم معتوه، يا وزير الداخلية ماتمنعهم يسافروا».
وأضاف: «نفسي أعرف دول كاسرين عين مين في البلد، يا جماعة دول وهما راجعين في المطار يتقبض عليهم».