وصف الشاعر الغنائي تامر حسين، تصريحات تامر عاشور، ضده حول حذف أغنيته والملحن إسلام زكي من ألبومه الجديد بـ«خبر كوميدي»، مشيرًا إلى أن هذه الواقعة ليس لها أساس من الصحة.
أخبار متعلقة
وقال «حسين» عبر «فيس بوك»: «تامر عاشور مسخن نص صحافين مصر وبيقول خبر كوميدى جداً انه شالنا من الالبوم أنا والمحلن إسلام زكى، والواقعه دى أقسم بالله العظيم لا أساس لها من صحه ويشهد محمد محسن جابر ابن الأستاذ المنتج الكبير محسن جابر إني رفضت رفض تام أعمل التنازل وكان ليا شروط وده لا يسىء لشخص تامر عاشور».
وأضاف: «أنا محترم وما بغيرش الحقايق لما ماخدش مصلحتي، ف ياتامر أنا اكبر من إنك تنزل تصريح كوميدي زى ده عيب أنا اشتغلت مع كل نجوم الوطن العربى مش حاتضيفلى والله كتير ومش ح احكى باقى التفاصيل عشان مايصحش تتقال ف العلن ماتدخلناش ف ظروفك الانتاجية ومشاكلك الشخصية».
واختتم: «أنا نادراً ما برد على مشاكل تافهه بس كان لازم أوضح الصورة وربنا يهديك كنت فاكرك أكبر من كده الحقيقة، وده بوست للصحفيين والجمهور عارف كويس مين تامر حسين وأخلاقه مش بوجهلهم كلامى ومكنش ف نيتى أي مشاكل مع أشخاص الناس مش مستنيه مننا غير اعمال حلوة بس ده حق الرد».
